Восеньскі крос “Залатая восень” прайшоў у Асінаўшчызненскай пачатковай школе
25.09.2024У Асінаўшчызненскай пачатковай школе кожны год праходзіць лёгкаатлетычны крос “Залатая восень”. І гэты навучальны год не стаў выключэннем.
У спаборніцтвах прынялі ўдзел хлопчыкі і дзяўчынкі 1-4-х класаў. Прырода не паскупілася і стварыла спартсменам усе ўмовы для дасягнення высокіх вынікаў, новых рэкордаў, атрымання зараду бадзёрасці і добрага здароўя. Удзельнікі кросу імкнуліся прыкласці ўсе намаганні і абудзіць у сабе другое дыханне, каб прыбегчы да фінішу першымі. Пераможцамі сталі Вольга Рэшкевіч (ІІІ клас), Павел Бенецэвіч (ІІ клас), Уладзіслаў Сабалеўскі (IV клас).
Але ўсё ж галоўнай узнагародай для школьнікаў у гэты дзень сталі не званні пераможцаў, а зносіны з іншымі навучэнцамі школы, свежае восеньскае паветра і добры настрой.
Наталля ПАРЖОН,
настаўнік пачатковых класаў
Асінаўшчызненскай пачатковай школы
Фотогалерея:
.webp)
